Zuberoako ikastolen aldeko Ikaskoli saskia eskatzeko garaia da

Zuberoako ikastolek Eguberrietako otarreak atontzen dituzte bertako ekoizpenekin eta eskaintza honen bidez, Zuberoako ikastolak laguntzeko eta bertako ekoizpenak ezagutarazteko helburua dute sustatzaileek. Kalitate haundiko eta bertan ekoitzitako produktuez osatutako saskiak dira, beraz posible da saskiz saski osagairenbat aldatu daitekeela produkzioaren arabera. ‘Ikaskoli’ izeneko saski salmenta kanpaina azaroaren 24an bukatuko da eta eskaera online egin ondoren, Galtzaundiren bulegoan jasotzeko aukera izango da, abenduaren erdialdetik aurrera. Hiru saski daude aukeran: Pettarra (50 euro), Arbaila (57 euro) eta Basabürü (68 euro) izenekoak.