Albisteak
Enbido Txikira! 5 hizkuntza komunitateetako lekukotasunak
Urria eta Abendu bitartean, bederatzi hizkuntza komunitateetako 18 ordezkari Euskal Herrian dira, Garabidek eta Huhezik antolatzen duten Hizkuntzen biziberritzeko estrategiak ikastaroaren harira. Euskararen esperientziaren berri jasotzeaz gain, Nasa, Bariba, Kaqchikela, Kitxua, Aimara, Nahuatl, Maputxea, Maia Yukatekoa eta Guaraniaren lekukotasunak hizkuntzaren…
Alaine Agirre Galtzaundi Irakurle Taldean izango da
Alaine Agirreren X hil da liburua irakurriko du Galtzaundi irakurle taldeak azaroko saiorako. Hemen liburuaren kritikak. Azaroak 16an, Alaine Agirrek, Yurre Ugartek gidatuta, liburuaren nondik norakoak aztertuko ditu. 19:00etan Tolosako kultur etxean izango da hitzordua. ZATOZ!
Euskarari buruzko hitzaldi zikloa antolatu du Tolosako udalak
EGITARAUA Urriak 24, astelehena. Euskara modernitatearen atarian: XX. mendearen hasierako ikuspegiak, Aritz Farwell Historian doktoreak. Ikuspegi kontrajarriak azalduko ditu, batzuentzat euskara aurrerapenerako oztopo izan zen eta beste batzuentzat, euskal bereizgarriak gordetzeko gakoa. Urriak 26, asteazkena.Tolosarren eragina euskara eta abertzaletasunaren arteko…
Nafarroa Oinezera autobusez Galtzaundirekin
Urriak 16an Viana-Lodosan ospatuko da aurten Nafarroa Oinez. Tolosaldetik autobus zerbitzua eskainiko du Galtzaundik (ikus ordutegia beheran).
9. Ibarra Galtzakomik lehiaketa dagoeneko martxan da
9. urtez Ibarrako udalarekin batera Galtzakomik komiki lehiaketa antolatu du Galtzaundik. 3 sailetan banatuta, sari potoloak banatuko dira aurtengoan ere. Ikusi oinarriak eta ANIMATU PARTE HARTZERA!
Errobi herri elkargoan musika tradizionalaz eta garaikideaz gozatzeko aukera
Errobi herri elkargoan (Kanbo, Uztaritze, Biona, Ezpeleta, Arrangoitze, Donazaharre) HERRI UZTA jaialdia: dantzez, musikaz, ikastaroez, hitzaldiez eta beste hainbat ekitaldiz gozatzeko aukera izango da urriak 6tik 9ra. Besteak beste, urriak 7an ET INCARNATUS Tolosako orkestrak kontzertua eskainiko du Uztaritzen.
Mr. Señora, Irakurle Taldeko urriko saioan aztergai
Oier Guillanen “Mr. Señora” liburua aztertuko dute Tolosako irakurle taldeko kideek urriaren 19an, 19:00etan, Tolosako kultur etxean egingo duten bilkuran. Hemen aipatu liburua oinarri agerkari ezberdinetan argitaratutako kritikak dira irakurgai.
KMra joateko autobusa
Urriak 2an Bergaran ospatuko den Kilometroak festara joateko autobusak irtengo dira Tolosaldeko hainbat herritatik. Zizurkil, Villabona, Irura, Anoeta eta Tolosan jarritako puntu ezberdinetan eman ahalko da izena eta herri horietako bakoitzak bere irteera ordu eta puntua izango ditu. Eman izena…