2025eko otsailaren 7an ‘Ninini’ izeneko bakarrizketa berria eskainiko du Antton Telleria umoregileak Tolosako Leidor antzokian. 19:00etan izango da hitzordua eta sarrerak dagoeneko agortuta daude. Galtzaundi Euskara Taldeak antolatu du ikuskizuna eta horrexegatik, Galtzaundikideek 10 sarrera bikoitzen zozketan parte hartzeko aukera izan dute.
‘NININI’ Antton Telleriaren bigarren komedia ikuskizuna da. Nekatutak-en arrakastaren ostean eszenatokietara bueltan da, argi utzi nahi duen arren ikuskizun honek ez duela zerikusirik aurrekoarekin. Ikuskizun hau desberdina da. Konkretuki, okerragoa. NININI egolatriari eginiko oda bat da, Anttonek bere buruaz hitz egingo baitu etengabe, baina baita zintzotasun ariketa bat ere: Ikuskizun honetan Antton biluztu egingo da. Metaforikoki eta metaforikoki soilik, denon hobebeharrez. Hitz egingo digu bere buruarekin duen harremanaz, bere izenaz, bere bikotekideaz, komikoa izateaz eta bertsolaria ez izateaz. Egin barre berarekin edo egin barre berari. Nahi duzuna. Baina etorri ikustera.
Galtzaundikideentzat 10 sarrera bikoitz zozketatu dira
Galtzaundi euskara elkarteko bazkideen artean ikuskizunerako 10 sarrera bikoitz zozketatu dira. 104 Galtzaundikidek eman dute izena zozketan eta ondorengoak dira irabazleak:
- Amaia Urkola Arozena.
- Fernando Rojo Tolosa.
- Gorka Igartua Larrañaga.
- Josune Agirrezabala Zubillaga.
- Leire Amonarriz Zubeldia.
- M. Rosario Azpiroz Arrillaga.
- Mila Otamendi Egiguren.
- Nahikari Iturbe Eizagirre.
- Patxi Otegi Usandizaga.
- Xabier Telleria Perurena.
Eskerrak eman nahi dizkiegu zozketan parte hartu duten 104 Galtzaundikideei eta datozen egunetan jarriko jara irabazleekin harremanetan.
NININI bakarrizketa – Antton Telleria
Eguna: 2025eko otsailaren 7a
Ordua: 19:00
Lekua: Leidor antzokia, Tolosa.
Sarrerak: Online eta Leidorreko txarteldegian.
